ҚазҰЖҒА жанындағы ПҒҚ хатшылығы 2023 жылғы 5 және 6 қыркүйекте комитет мүшелері «Қазақстанның ядролық қоғамы» қауымдастығының Қазақстан-Американдық еркін университеті (ҚАЕУ) басшылығының қолдауымен Өскемен қаласында ҚЯҚ 30 жылдығына арналған «Ядролық энергияны бейбіт мақсатта пайдалану саласындағы халықаралық ынтымақтастықтың рөлі» тақырыбында халықаралық дөңгелек үстелді ұйымдастыруға және өткізуге белсенді қатысқанын хабарлайды.
1-сурет. ҚАЕУ мәжіліс залының жалпы көрінісі
2-сурет. Владимир Сергеевич Школьник.
Іс-шараны «Қазақстанның ядролық қоғамы» қауымдастығының президенті, профессор Владимир Школьник ашты:
«Біз бір-бірімізді құттықтап, ардагерлерімізді құрметтеу үшін жиналдық. 30 жыл ішінде не атқарылғаны туралы айту үшін. Қазір қоғамымыздың алдында қандай мақсаттар мен міндеттер тұрғанын түсіндіру үшін. Білім алмасу, дөңгелек үстел, талқылау және болашақ жұмыс үшін мақсаттар мен міндеттерді әзірлеу жүріп жатыр. Біздің қоғам ҚР-дағы ғылыми-техникалық ілгерілеуге, ядролық технологияларды сақтау мен дамытуға, жастарға білім беруге барынша ықпал ету үшін құрылды».
ШҚО әкімі Ермек Көшербаев, ҚАЕУ президенті Ережеп Мәмбетқазиев, ҚР энергетика вице-министрі Жандос Нұрмағамбетов құттықтау сөз сөйлеп, «Қазатомөнеркәсіп» ҰАК» АҚ Басқарма төрағасы Ержан Мұқанов, «ҮМЗ» АҚ Басқарма төрағасы Сергей Бежецкий, ҚР ЭМ «Ядролық физика институты» РМК бас директоры Саябек Сахиев және өнеркәсіптік кәсіпорындардың, кәсіподақтардың және педагогикалық қауымдастықтардың басшылары өз пікірлерін білдірді.
3-сурет. Ермек Беделбайұлы Көшербаев
ШҚО әкімі Ермек Көшербаев дөңгелек үстелге қатысушыларға арнаған сөзінде атап өткендей:
«Бүгінгі таңда ғалымдардың пікірі үлкен мәнге ие және «Қазақстанның ядролық қоғамының» рөлі өте зор. Біздің еліміз ядролық физика саласындағы озық мемлекеттердің бірі болу үшін барлық мүмкіндіктерге ие. Бізде ядролық реактор, атом, материалтану реакторлары бар. Мұның бәрі үлкен инвестицияларды тартады және елдің даму деңгейін арттырады. Ең бастысы, тәжірибемен байланыстыру мүмкіндігі бар. Көршілес Абай облысында Ұлттық ядролық орталық жұмыс істейді, онда жұмыс істеп тұрған екі зерттеу реакторы орналасқан. Мұның бәрі біздің құзыретімізді нығайтады, біз ядролық физиканы дамыту орталықтарының бірі бола аламыз. Әлемдік ғылым атом энергетикасын дамытуға бәс тігуде. Ғалымдар атап өткендей, Қазақстан да ерекшелік емес».
4-сурет. Ережеп Әлхайырұлы Мамбетқазиев
5-сурет. Е.Ә. Мамбеказиев, Е.Б. Көшербаев және В.С. Школьник
ҚАЕУ президенті, ПҒҚ мүшесі, ҚР ҰҒА академигі, профессор Ережеп Мамбетқазиев ҚЯҚ мерейтойы – Қазақстанның ядролық қоғамының даңқты тарихы мен жарқын болашағы екенін атап өтті. 30 жыл ішінде оның қалыптасуының, керемет жетістіктерінің күрделі жолы өтті. ҚАЕУ базасында ҚЯҚ форумын өткізу тек ұрпақтар сабақтастығының ғана емес, сонымен қатар жер бетіндегі бейбітшілік үшін жас ұрпаққа берілген даналық эстафетасының жарқын үлгісі екенін атап өтті. ҚАЕУ ұжымы атынан ҚЯҚ көшбасшыларын, ШҚО өндіріс өкілдерін мерейтоймен құттықтады! Ғылыми және шығармашылық әлеуетті, жаңа идеяларды табысты іске асыруға, барлық ойластырылған жобаларды іске асыруға тілектестік білдірді!
Қазақстанның энергетика вице-министрі Жандос Нұрмағанбетов өз сөзінде қауымдастықтың бейбіт атомды дамыту мақсатын тұрғындарға жеткізіп, елімізде атом электр станциясын салудың артықшылықтарын түсіндіре отырып, жүргізіп жатқан үлкен жұмысын атап өтті.
Шетелдік шақырылған қонақтардан:
Ресей ядролық қоғамының «Әлемдік атом энергетикасы музейі» жобасының бас үйлестірушісі Сергей Кушнарев, АЭӨ АӨҚҚ кеңесінің төрағасы Владимир Огнев және Қазақстандағы ХҒТО атқарушы директоры Дэвид Клив (1-қосымша.Іс-шаралар бағдарламасы).
6-сурет. «Атом энергиясын бейбіт мақсатта пайдалану саласындағы халықаралық ынтымақтастықтың рөлі» дөңгелек үстеліне қатысушылардың ортақ суреті
«ҚЯҚ» қауымдастығының 30 жылдығын мерекелеу аясында ардагерлер мен жастар бөлімшелерінің қала студенттерімен кездесулері, Е.П. Славскийді еске алу митингі, «ҮМЗ» АҚ, «ҮЛБІ-ТВС» ЖШС техникалық турлары және Үлбі металлургия зауытының қызметкерлеріне арналған мерекелік концерт өтті.
Іс-шараларға барлығы 120-дан астам адам қатысты.
Толығырақ мына сайттарда танысуға болады:
http://www.nuclear.kz/news; https://www.nur.kz/society;
https://www.inform.kz және https://tengrinews.kz