2022 жылы 15 ақпанда ҚПК мүшесі, Nuclear Energy Consulting & Services компаниясының негізін қалаушы, ф.м.ғ.д. Ибраев Б.М. ХҒТО Атқарушы директоры Дэвид Кливпен және ХҒТО Хатшылығының мүшелерімен тритий суын тазарту тақырыбын талқылау үшін ХҒТО-ның онлайн отырысына қатысты.
Кездесу Фукусиманы қалпына келтіру жұмыстарын қолдауға арналған жаңа технологияға бағытталған. Жапон үкіметі жуырда Фукусима ағынды суларын мұхитқа төгуді бастау туралы шешім қабылдады. Бұған дейін ластанған су сүзу жүйесінен өтіп, ол тритийді қоспағанда, ластанған судан радионуклидтердің көп бөлігін алып тастайды. Осыны ескере отырып, Ибраев Б.М. басқаратын халықаралық зерттеу тобы ластанған суды тазартудың жоғары тиімді, арзан және энергияны аз тұтынатын әдісін ұсынды.
Технология тритий мен басқа да ауыр изотоптарды химиялық әдіспен анықтауды және жоюды, содан кейін радиоактивті қалдықтарды дәйекті ұстауды қарастырады.
ХҒТО сайтының материалдары бойынша https://istc.int/ru/article/26052