Қазақстан Пагуош комитетінің хатшылығы 2026 жылғы 27-30 шілде аралығында ҚР ҰЯО-да Халықаралық ғылыми-техникалық орталық (ХҒТО) басшылығы мен Еуропалық комиссияның Халықаралық әріптестік жөніндегі бас директоратының (DG INTPA) өкілдерінің кездесуі өткенін хабарлайды. Кездесу барысында бірлескен жұмыстардың ағымдағы барысы және одан әрі халықаралық ынтымақтастықтың перспективалары талқыланды.
Делегацияны профессор Батырбеков Ерлан Гадлетович, Қазақстан Пагуош комитеті төрағасының орынбасары – ҚР ҰЯО Бас директоры, Қазақстан Республикасы Президентінің жанындағы Қазақстан Республикасы Ұлттық ғылым академиясының академигі әріптестерімен бірге қабылдады.
Сапар аясында «Радиоактивті қалдықтармен жұмыс істеу саласындағы ҚР құзыреттерін дамыту» бірлескен жобасын іске асыруға арналған техникалық кездесулер өтті.
Бұрынғы Семей сынақ полигоны аумағында жинақталған Қазақстан Республикасы Ұлттық ядролық орталығының тәжірибесі мен инфрақұрылымы кәсіпорынды радиоактивті қалдықтармен жұмыс істеу саласындағы заманауи шешімдерді әзірлеу және енгізу үшін негізгі алаңға айналдырады.
Сапар қорытындысы бойынша тараптар ынтымақтастықты одан әрі дамытуға және жобаны іске асыру бойынша бірлескен жұмысты жалғастыруға мүдделі екенін растады.
Кездесуге 18 адам қатысты.
Толығырақ ақпаратпен ҚР ҰЯО сайтындағы 2026 жылғы 3 тамыздағы жарияланымнан танысуға болады (https://www.nnc.kz/ru/news/show/698).