ҚПК Хатшылығы 2024 жылғы 10 қазанда Қазақстан Республикасы Президенттік орталығының бастамасымен Астанада Қазақстанның атом саласының ғалымдары мен мамандары қатысуымен «Қазақстан бейбіт атом жолында: үрдістер мен перспективалар» халықаралық конференциясы өткенін хабарлайды. Іс-шара жаһандық антиядролық қозғалыс пен бейбіт атом энергетикасын дамыту контекстіндегі қазақстандық бастамалардың тарихи маңызына тоқталды.
Конференцияға қатысушылар мемлекеттердің жақын болашақтағы әлеуметтік-экономикалық өсуінің негізгі факторы ретінде атом энергиясын бейбіт мақсатта пайдалану перспективаларын талқылады. Талқылаудың маңызды аспектісі Қазақстанда атом электр станцияларын салу бойынша мүмкін болатын жеткізуші елдермен келіссөздердің басталуы болды.
Қазақстанның Пагуош комитетінің төрағасы, профессор Школьник В.С., Халықаралық антиядролық «Невада-Семей» қозғалысының 35 жылдығына, ядролық сынақтардың тоқтатылуына және Қазақстан Республикасының МАГАТЭ-ге кіруінің 30 жылдығына арналған халықаралық конференцияға шақырғаны үшін шынайы алғысын білдірді. Өз хатында ол іс-шараның сәтті ұйымдастырылуына және өткізілуіне тілектестік білдіріп, оның өнімді пікірталастар, тәжірибе алмасу және кәсіби байланыстар орнату алаңы ретіндегі маңыздылығын атап өтті. Конференцияға сонымен қатар Қазақстан Республикасының Сыртқы істер министрлігіне қарасты Сыртқы саяси зерттеулер институтының аға сарапшысы, химия ғылымдарының кандидаты Савельев С.Р. да қатысты.
Қазақстан Республикасы Энергетика министрлігіне қарасты атом энергетикасы және өнеркәсібі департаментінің директоры Гумар Сергазин консорциум жобасын талқылау ұлттық қауіпсіздік пен экономикалық тиімділікті басымдыққа ала отырып, байыппен жүргізілетінін атап өтті. Ол жобаның иесі қазақстандық компания болатынын және құрылыс вендор немесе консорциум арқылы жүзеге асырылуы мүмкін екенін ерекше айтты.
Толығырақ ақпаратты сайттан табуға болады: https://khabar.kz